Stefnumál

Sveitarfélagið er og hefur verið matvælahérað og við viljum halda áfram á þeirri braut. Það eru lífsgæði að geta starfað í heimabyggð og með fjölbreyttara atvinnulífi verða til fleiri tækifæri.

Sveitarfélagið er að vaxa á miklum hraða líkt og önnur sveitarfélög í nágrenni höfuðborgarsvæðisins. Mikilvægt er að það vaxi ekki aðeins heldur dafni líka. Nýtum menninguna betur til að byggja brýr á milli ólíkra hópa og búum til blómlegt samfélag.

Það þarf að stórefla heimaþjónustu og heimahjúkrun í samstarfi við rétta aðila til þess að auka öryggi eldra fólks í sveitarfélaginu. Öryggi er grunnurinn að vellíðan.

Sveitarfélagið er ört stækkandi og nauðsynlegt er að vera skrefinu á undan í uppbyggingu þegar kemur að innviðum og þjónustu fyrir börn og ungmenni.

Krafa okkar er að rekstur sveitarfélagsins sé yfir allan vafa hafinn. Gagnsæi og vönduð stjórnsýsla er grundvallaratriði lýðræðis.

Markmið ríkisstjórnar Íslands er að landið verði þekkt sem leiðandi á sviði sjálfbærni og þar viljum við að sveitarfélagið Ölfus sýni frumkvæði og verði ekki eftirbátur annarra sambærilegra sveitarfélaga.

Ölfus er fjölbreytt og sístækkandi fjölmenningarsamfélag. Íbúar hafa ólíkar þarfir og við viljum að allir hafi jöfn tækifæri.