- Mar 14, 2022
- 1 min read

Íbúalistinn kynnir frambjóðendur

Íbúalistinn er nýtt framboð í Sveitarfélaginu Ölfusi. Það eru kraftmiklir og ólíkir einstaklingar sem mynda Íbúalistann en það sem sameinar þá er ástríða fyrir velferð samborgara sinna og viljinn til að bjóða fram krafta sína á komandi kjörtímabili til að vinna að málefnum Sveitarfélagsins Ölfuss.

Íbúalistinn vinnur nú að mótun stefnumála og vill gera það í virku samtali við íbúa, því vilji íbúa skiptir máli. Frambjóðendur munu bjóða upp á málefnafundi á næstunni og hvetur einnig öll áhugasöm til að hafa samband með því að senda póst á ibualistinn@gmail.com eða hringja beint í einhvern af frambjóðendum Íbúalistans.

Kæru íbúar í Sveitarfélaginu Ölfusi. Við hlökkum mikið til að kynna fyrir ykkur þau málefni sem við ætlum að leggja áherslu á og hvetjum ykkur til að fylgjast með á Facebook og instagram síðum Íbúalistans þar sem við ætlum að kynna vel bæði fólk og málefni. Verið ófeimin við að fylgja okkur, það að smella á “follow” eða “like” segir ekkert til um hvað þið ætlið að kjósa heldur einungis að þið ætlið að ganga vel upplýst að kjörborðinu þann 14. maí.

Hér fyrir neðan má sjá frambjóðendurna en hægt er að lesa meira um þau undir liðnum Frambjóðendur hér á síðunni.